fbpx

खजुरामा २ सय युवालाई रोजगारीमा जोड्दै

खजुरा (बाँके):खजुरा गाउँपालिका क्षेत्रभित्रका करीब २ सय युवालाई व्यवसायिकतामार्फत रोजगारीमा जोड्न थालिएको छ । सो अभियान अन्तरगत आइतवार ४० जना युवालाई व्यवासाय संचालनका लागि ४० हजार अनुदान रुकम वितरण गरिएको छ ।

खजुरा गाउँपालिकाले हेफर प्रोजेक्ट नेपालको सहकार्यमा उनीहरुलाई बाख्रा र बंगुर पालनका लागि उक्त रकम वितरण गरेको हो । व्यवसायिक योजना अनुरुप अगाडि बढेको खण्डमा उनीहरुलाई सहयोग रकम थप हुँदै जाने बताइएको छ । उक्त कार्यक्रमको इन्रुडेकले समन्वय गरेको छ । शुरुवात भएको यो परियोजना ३ वर्षसम्म संचालन हुने जनाइएको छ ।

खजुरा गाउँपालिका अध्यक्ष किस्मतकुमार कक्षपतिले युवा उद्यमीलाई अनुदान रकमको चेक हस्तान्तरण गर्दै २ सय युवाहरूलाई उधमशिलता अन्तरगत ३ वर्षमा गाउँपालिकाले ५ करोड रुपैयाँ लगानी गर्ने बताए । उनले बाख्रा, बंगुर र ट्रकी पालनमा जोड दिएकोमा हाल बाख्रा र बंगुर पालनको मात्र माग भएको बताए । चालू आर्थिक वर्षमा ४० जनालाई बाख्रा र बंगुर पालनका लागि ४० हजारका दरले दिइएकोमा आगामी दिनमा २ सय जनामा विभिन्न व्यवसाय संचालनका लागि उक्त कार्यक्रम संचालन गरिने उनले बनाए ।

निर्वाचित भएको ४ वर्षमा १०१ बुँदे घोषणापत्रमा ६८ बुँदा पूरा गरेको पनि उनले जानकारी दिए । अध्यक्ष कक्षपतिले कोभिडले विकास र नियमितमा काममा प्रभाव पारेकोले ग्रीन सिटीको २ अर्बको प्रोजेक्ट अगाडि बढ्न नसककोमा निकट भविष्यमा अगाडि बढने बताए । उक्त कार्यक्रम अन्तरगत आमा, बहिनी समूह गठन र आधाशिला तालिम दिइने छ ।

खजुरा गाउँपालिका उपाध्यक्ष एकमाया विकले युवाहरूलाई उद्यमी बनाउने उद्देश अनुरुप युवाहरूलाई अनुदान दिइएकोमा व्यवसायिक योजना बनाएर अगाडि बढ्न आग्रह गरिन । उनले भनिन् योजना बिना कार्यक्रम सफल नहुँने भएकाले व्यवसायिक योजनाका साथ अगाडि बढ्नु पर्छ । उनले आधाशिला तालिमले परियोजनाको उद्देश्य पूर्ति गर्नेमा विश्वास व्यक्त गरिन ।

खजुरा गाउँपालिकाका राजनीतिक सल्लाहकार भीम ओलीले सानो लगानीबाट अर्बपति भएका धेरै उदाहरण भएकाले रोजगारमा सहयोग पु¥याउन गरिएको यो सहयोगलाई भरपूर उपयोग गर्नुपर्नेमा जोड दिए ।

कार्यक्रममा इन्रुडेकका अध्यक्ष धर्मलाल रोकायले वैदेशिक रोजगारबाट फर्किएका वा युवा जो उद्यम गर्न चाहन्छ त्यस्तालाई सहयोग पु¥याउँदै उद्यमशीलताको माध्यमबाट रोजगारी सृजना गर्न कार्यक्रम लागू गरिएको बताए । कार्यक्रममा हेफर प्रोजक्ट नेपालका बरिष्ठ कार्यक्रम अधिकृत शरदकुमार पोख्रेल, परियोजना संयोजक प्रेम विकले त्रिपक्षीय रुपमा सम्झौता गरेर गरिने व्यवसाय भएकाले सफल बन्ने सुत्रका बारेमा सहजीकरण गरेका थिए ।

Leave a Reply

Your email address will not be published. Required fields are marked *

Next Post

शिक्षणमा वैकल्पिक प्रणालीलाई जोड दिँदै खजुरा

२०७८ असार १३, आईतवार २२:३१
खजुरा । खजुरा गाउँपालिका शिक्षा शाखाले वैकल्पिक प्रणालीबाट सिकाइ सहजिकरण गर्न सामुदायिक तथा संस्थागत र मदरसा शिक्षकहरुलाई एकीकृत शैक्षिक सूचना संचार प्रविधि सम्बन्धि क्षमता विकास प्रशिक्षक प्रशिक्षण तालिम शुरु गरेको छ ।एक हप्ते तालिम खजुरा क्षेत्रका सामुदायिक विद्यालय र संस्थागत विद्यालयका शिक्षकलाई प्रदान गरिने छ । आइतबार विभिन्न तीन ठाउँमा […]

Calendar

September 2021
S M T W T F S
 1234
567891011
12131415161718
19202122232425
2627282930  
Translate »