भाटभटेनीको फोहर बोक्ने रिक्सा वडा नं.२० को नियन्त्रणमा

नेपालगन्ज–नेपालगन्ज उपमहानगरपालिका वडा नं. १८ मा रहेको भाटभटेनी सुपर स्टोरको फोहरमैला वडा नं. २० को डुडुवा नालामा विसर्जन गर्न लैजानेक्रममा बुधवार नियन्त्रणमा लिईएको छ ।

फोहर विसर्जनको जिम्मा लिएको सिर्जनसिल बङ्गुर पालन फर्मका सञ्चालक छविलाल भण्डारीले भे १ ह १५३३ र भे १ ह १२८८ नं. को दुई थान रिक्शामा लोड गरेर डुडुवातर्फ जानेक्र,ममा वडा नं. २० को राँझा चोकबाट वडा नं. २० का जनप्रतिनिधिले नियन्त्रणमा लिएका हुन् ।

नियन्त्रणमा लिईएको रिक्सामा रहेको फोहर नेपालगन्ज उपमहानगरपालिकाको फोहर फाल्ने गाडी मगाएर डम्पिङसाईटमा पठाईएको वडाध्यक्ष कृष्ण कार्कीले जानकारी दिनुभयो ।
उहाँका अनुसार, नियन्त्रणमा लिईएका दुईथान रिक्सा २० नं. वडा कार्यालयले रु. २० हजार जरिवाना गरेर छोडिएको छ ।
भाटभटेनी सुपर स्टोरको फोहर धेरैपटक वडा नं.२० को राँझा चोकस्थित सद्भाव बाटिका छेउछाउमा फाल्ने गरेको पाईएकोले अव आईन्दा नफाल्न सचेत गराईएको वडाध्यक्ष कार्कीले बताउनुभयो ।

0 0 vote
Article Rating
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x